مشاركتي اليوم أبي
هو سيجال بيني وبين شقيقي الراحل الشاعر سيد الموجي
....................................................سيجال بيني وبين شقيقي الشاعر سيد الموجي
موجيات
،،،،،،،،،،،،،،
قال الشاعر سيد الموجي
..........
بعد الفلس قربت أصبح بيه
وقدرت أضيف لرصيدي ربع جنيه
فكرت أبخر جيبي جبت بخور
خلاني تمنه با هووو اقول أحييه
.....................
قالت الشاعرة ناهد الموجي
كتير قوي يا شاعرنا ربع جنيه
ناكل ونشرب ونتحلى هنطمع ليه؟!!
ونجيب مشبك ونطلب م الجاتوه ملفيه
لولا الكسوف كنت عليت م الصراخ أحييه
.........................
قال الشاعر سيد الموجي
ليه بس مستغربة مش جايز المليم
هو كمان يستعيد مجده ويبقى عظيم
والنكلة والربع قرش يعودوا من تاني
لكتاب حساب العيال فى وزارة التعليم
..........................
قالت الشاعرة ناهد الموجي
والمحفظة تتملا بقدرتك يا كريم
واللي بيملك جنيه يبقى علينا زعيم
والبت جودي تبطل تطلب الخمسة
وتقوله مليم يابابا ألمسه لمسة
.........................
قال الشاعر سيد الموجي
وورقة اللحمة هانجبها بتلاتة قروش
ونحج بالناقة بعد ما نلبس الطربوش
والفدانين اللي كانوا حلم فى حياتنا
بكره هايبقوا حقيقة فى دولة الفنكوش
.............................
قالت الشاعرة ناهد الموجي
من كتر خيرنا هنبقى كلنا بكروش
ودكاترة التخسيس فى دهن تحوش
ويرجع الحنطور ابو كبوش
وحمارنا الاعرج هيدلع وقول أنا بوش
موضوع: سيجال بيني وبين شقيقي الراحل سيد الموجي / د. ناهد الموجي 
الخميس مايو 28, 2020 5:38 pm
