تفاريح / د. ناهد الموجي

تفاريح

واناممكن اصدقه؟
ولا امشي وزهقه؟
بيقولي النجم عالي
وانت الضي الملالي
انت حقي وحلالي
صورتك ع الباب قبالي
والبعد هبعزقه
طب ممكن اصدقه؟!

بيقول هيجبلي شال
منسوج م الشمس قال
وفلوس تملا الشوال
ونجيب دستة عيال
والحب هدوقه
طب ممكن اصدقه

بيقولي انت المنارة
الضي ف كل حارة
جميلة وبجدارة
بغرامي هروقه
معقولة هصدقه

بيقولي انت البغاشة
والسكر ليك قماشة
وحلاوتك ف الهشاشة
شرباتي هدوقه
وعايزني اصدقه

خلاني لفوق اطير
والبس شالي الحرير
اناديله يا الامير
عطشان اسقيه خرير
يسكر وافوقه
والنعمة ما اصدقه
بقلمي
ناهد الموجي
شاعرة مصرية